Ayətullah Məkarim Şirazinin qərblilərə və vəhhabilərə iki mühüm tövsiyəsi/ Paris hadisələri Qərbi ayıldan həyəcan siqnalı idi.
Vəhhabi və Hicaz alimlərinə də tövsiyə edirik: Sizlər hazırda təfəkkürünüzün məhsulunu görürsünüz, onun məhsulu baş kəsmələr, cinayətlər, yandırmalar və xaraba qoymalardır. Müsəlman sıralarına dönün, belə təfəkkürlərdən əl çəkin onlari boşlayın.
Ayətullah Məkarim Şirazi Qum şəhərinin “Məscidul-Əzəm”ində təşkil olunan fiqhin ali mühazirələrinin başlanğıcında, təkfirin kökünü qurutmağın lazımlılığına təkid etdi.
O, əlavə edərək dedi: Paris hadisələrindən sonra bütün Fransa və Avropa silkələndi, terror hadisələrinin təkrarlanacağı qorxusu ilə bəzi ictimai proqramlarını tətil etdi.
Ayətullah Məkarim Şirazi təkidlə qeyd etdi: Paris hadisələri qərbliləri ayıldan bir həyəcan siqnalı idi. Bu məhdud alov Suriya və İraqda qalmayacaq, şölələnərək odu hər yeri bürüyəcək.
O, aydınlıq gətirdi: İndi deyirlər ki, bir qrup həll yolu axtarır, biz də bunun doğru olduğunu sanırıq, lakin buna baxmayaraq iki tövsiyəmiz var; biri qərblilərə, digəri isə vəhhabi alimlərinə. Qərblilərə Məhəmməd ibn Əbdülvəhhab və İbn Teymiyyənin kitablarını mütaliə etməyi, orada təkfir və İŞİD-in doğuş yerini – kökünü görmələrini tövsiyə edirik. Bilsinlər ki, bu düşüncə və təfəkkürün qaynağı Səudiyyə Ərəbistanıdır.
O, qərblilərə müraciət edərək, təkidlə buyurdu: Əgər kökləri tapsanız, onları qurutmağa başlayın. Bunlar təkcə hərbi arenada məhv olmayacaq, İŞİD-in düşüncə və təfəkkürünü qurutmaq da lazımdır.
Ayətullah Məkarim Şirazi bunları da xatırlatdı: Vəhhabi və Hicaz alimlərinə də tövsiyə edirik: Sizlər hazırda təfəkkürünüzün məhsulunu görürsünüz, onun məhsulu baş kəsmələr, cinayətlər, yandırmalar və xaraba qoymalardır. Müsəlman sıralarına dönün, belə təfəkkürlərdən əl çəkin onlari boşlayın.
O, əlavəsində buyurdu: Sizlər öz elm ocaqlarınızda Məhəmməd ibn Əbdülvəhhab və İbn Teymiyyənin etiqadlarını ardıcıl dilə gətirməklə, təkfir – digərlərini kafir sayma dərsi öyrədirsiniz. Ancaq sizin baş müftiniz təkfiri haram sayır. Məktəblərinizdə bu təfəkkür tədris olunduğu halda, “Təkfirçiləri qınayırıq!” – deyirsiniz. Bu, ikili standart deyilmi?
O xatırlatdı ki, məsələlər aydın olduğu təqdirdə, həqiqətlər qarşısında inad edilməməlidir. Müsəlman sıralarına qoşulun və bu kitabları boşlayın. Nə qədər ki, bu tədrislər var, bu alov sönməyəcək; bir tərəfdən söndürsəniz, digər tərəfdən alışacaq.
Ayətullah Məkarim Şirazi sonda bunu açıqladı: Ümidvaram, bizim bu iki tövsiyəmiz hər iki tərəfdə təsir qoyar və dünya yeni bir imic tapar, əmin-amanlıq yenidən dünyaya hakim olar.
Nəşr tarixi: 25/11/2015
