Qərbin Hələb körpələri üçün yalançı göz yaşları axıtmasına Ayətullah Məkarim Şirazinin sərt reaksiyası:
Heç bir şəraitdə Qərbin ikiüzlü siyasətinə güvənmək olmaz!
Onlar Hələb məğlubiyyətinin bir şəkildə əvəzini çıxmaq istəyirlər. Xoşbəxtlikdən, dünya bunu anlayıb sizin yalançı göz yaşınıza inanmır. Bütün arenalarda və ikiüzlü proqramlarınızda paradoks davranışlarınızı müşahidə edirlər.
Ayətullah Məkarim Şirazi, ruhani və tələbələrin iştirakı ilə Qum şəhərinin “Məscidul-Əzəm”ində keçirilən fiqhin ali mühazirələrində buyurdu: Zaman keçdikcə çağdaş cəmiyyətlərin dövlət başçılarının yürütdüyü siyasətlərə güvənimiz azaldıqca-azalır və onlara qarşı bədbin oluruq.
O, müasir cəmiyyətlərin dövlət başçılarının yürütdüyü siyasətləri yalan, hiylə və ikitirəlik sayaraq bildirdi: Bunun bariz nümunəsi Hələbdə terrorçuların məğlubiyyətindən sonra peyda oldu.
Qərblilərin Hələb uşaqlarına yalançı göz yaşları tökməsinə Ayətullah Məkarim Şirazinin reaksiyası belə oldu: Sizlər məğlubiyyətdən sonra təbliğat arenalarında və tribunalarda Hələb körpələrinə göz yaşı tökürsünüz. Bəs, Yəmən körpələrinə niyə ağlamadınız və ağlamırsınız?
Ayətullah Məkarim Şirazi davamında buyurdu: BMT-nin baş katibi Səudiyyə rejiminin uşaq qatili olduğunu elan etdi, hərçənd çox keçmədən maddi maraqdan dolayı bu rejimin adını qara siyahısından çıxardı. Son günlər UNİSEF-də Yəmən uşaqlarının durumu ilə bağlı təkanverici xəbər yaydı. Niyə bir damcı yaş axıtmırsınız?!
O, bütün şəraitlərdə qərblilərin güvənilməz olduğunu hesab edərək, buyurdu: Bu siyasətlərə və siyasətçilərə inanmaq olmaz. Hansı ki, yalan, hoqqabazlıq və ikitirəliklə doludur, heç bir şəraitdə güvənilən deyil.
Davamında buyurdu: İndiki dünyada öz haqqımızı almaq üçün möhkəm və güclü olmalıyıq, əks təqdirdə nəticə indi gördüyümüz kimi olacaq.
Ayətullah Məkarim Şirazi xatırlatdı: Onlar Hələb məğlubiyyətinin bir şəkildə yerini doldurmaq istəyirlər. Xoşbəxtlikdən, dünya bunu anlayıb sizin yalançı göz yaşınıza uymur. Bütün arenalarda və ikiüzlü proqramlarınızda paradoks davranışlarınızı müşahidə edirlər.
Çıxışının sonunda 9 dey qəhrəmanlığına işarə edərək bu günü möhtərəm bildi və dedi: Bugün “Feyziyyə” mədrəsəsində bu münasibətlə mərasim təşkil olunacaq, – Allahın izni ilə – orada iştirak edin!
Yayım tarixi: 28.12.2016
