İslam dünyası alimlərinin məsuliyyəti ünvanında, dünya və İran alimləri, elm adamları və İslam ölkələrinin səfirlərinin birgə iştirakı ilə həzrət Fatimə Məsumənin (s) nurlu hərəminin qonşuluğunda, Ayətullah Nasir Məkarim Şirazinin rəhbərliyi altında, Müasir dünyada təkfirçi cərəyanların təhlükəsi adlı II beynəlxalq konfrans təşkil olunur.
28 yanvar 2016-cı il, cümə axmaşı təşkil ediləcək konfransda təkfirçi cərəyanların İslam dünyasına qarşı təhlükə və zərərlərinin açıqlanması, eyni zamanda günbəgün artan böhranlardan çıxış yollarının araşdırılması nəzərdə tutulur.
“Müasir dünyada təkfirçi cərəyanların təhlükəsi” adlı beynəlxalq konfrans Qum şəhəri, Müəllim bulvarı, “İmam Kazim (ə) adına mədəniyyət kompleksi və elmi-dini mədrəsəsi” ünvanında yerləşən Peyğəmbər (s) adına beynəlxalq konfranslar mərkəzində təşkil olunacaq.
Xatırlatmaq lazımdır ki, keçən ilin oktyabr ayında “Təkfirçi cərəyanlarla mübarizə” adlı ilk konfrans 80-dan çox ölkə alimlərinin iştirakı ilə təşkil olunmuşdu. Bu il də növbəti dəfə “İmam Kazim (ə) adına mədəniyyət kompleksi və elmi-dini mədrəsəsi” II beynəlxalq konfransa ev sahibliyi edəcək.
Yayım tarixi: 24/01/2016
