Siyasət adamları məzhəb (təriqət) qarşıdurmasından qətlə yetirmək, başqalarının işinə müdaxilə etmək, dini şəxsiyyətləri və müqəddəsləri təhqir etmək və s. məqsədilə istifadə edirlər.

Ayətullah əl-üzma Məkarim Şirazinin möhtərəm əl-Əzhər şeyxi doktor Əhməd Təyyiblə məktublaşmasının ardınca, o da, cənab Məkarim Şiraziyə ehtiramla cavab yazaraq sözügedən məktuba görə öz təşəkkürünü bildirdikdən sonra İslam vəhdətinin qorunmasının əhəmiyyətini xüsusi vurğuladı.

“İnsanları mütaliə və doğru məlumatlarla yetişdirin. Mübahisəli məsələləri düzgün mənbələr və təhqirə yol verilməyən dəlil-sübutlarla əsaslandırmaq lazımdır. İlk öncə insanın özü məsələləri dərindən qavramalı və sonra başqalarına yol göstərməlidir.”

İslamın böyük alimləri, müftilər və görkəmli şəxsiyyətlər! İslam tarixində hazırkı nəslin adına mütləq qara ləkə gətirəcək bu müdhiş vəziyyət qarşısında sükut etməyin! Yalnız İslam düşmənlərinin xeyrinə sonuclana biləcək vəhşiliklərin qarşısını konstruktiv mövqenizlə alın!