Ayətullah Məkarim Şirazi Ərbəin MMM-nin idarə heyəti ilə görüşündə Aşura və Ərbəini şiənin yaşama rəmzi kimi xatırlayaraq belə dedi: Digər məzhəblərin belə böyük sərmayəsi yoxdur. Düşmənlər, inadkarlar, bədbinlər nə qədər çalışsalar da Aşura və Ərbəinin qarşısını ala bilmirlər.
O, belə bir imtiyazdan maksimum və düzgün yararlanmağa təkid etdikdən sonra Ərbənin mədəni-maarif tərəflərini də mühüm sayaraq dedi: İmamları (ə) ziyarətin fəlsəfəsi insanlara çatdırılmalıdır, ərbəin mərifəti artıran bir dərs olmalıdır.
Ayətullah Məkarim Şirazi Ərbəinin böyük imkanlarının olduğunu və təkcə ötən illərdəki proqramların təkrarlanması ilə kifayətlənməməyin vacibliyinə işarə edərək buyurdu: Hər il yeni və kreativ işlərlə bu əzəmətli mərasim iştirakçılarını daha yaxşı proqramlarla xidmət etmək lazımdır.
O, Ərbəin günlərində İmam Hüseyn (ə) zəvvarlarına xidmət etmək üçün müxtəlif dəstələr tərəfindən qurulan mukəblərin çoxluğuna işarə edərək, bəzilərinin ölkə sərhədlərindən çıxmayıb daxildə xidmət göstərməsini istədi.
Ayətullah Məkarim Şirazi Ərbəin zəvvarlarının gömrük keçid məntəqəsində problemlə qarşılaşmasını rəva görmədiyini dilə gətirdi: Bəzilərinə görə Nəcəf və Kərbəla şəhərləri arasındakı heyətlər, xidmət məntəqələri ehtiyacdan artıqdır. Bu üzdən bəzi xidmət məntəqələri, heyətlər sərhəddə qərarlaşıb Ərbəin zəvvarlarına xidmət etməlidirlər.
O, sözünün davamında vəhhabilərin Ərbəin ziyarətinin əzəmət və təm-təraqından narahat olduqlarını da bildirdi: Vəhhabilər Ərbəin, Aşura yürüşlərindən, imamların (ə) qəbirlərini ziyarətdən çox narahat və qəzəblidirlər. İş o yerə çatıb ki, bu mərasimdə iştirak edənlərə təkfir edirlər, amma kimsə onların sözünə etina etmir.
Ayətullah Məkarim Şirazi çıxışının başqa bir yerində Ərbəin zəvvarlarının dost, qardaş, qonşu və müsəlman İraq ölkəsinin qanunlarına ehtiram qoymağın lüzumuna təkid edərək buyurdu: “İraq ölkəsi bu əzəmətli hadisədə ev sahibliyi və qonaqpərvərlik etdiklərinə görə təşəkkürə layiqdirlər. Bu üzdən qayda-qanunlarına hörmətlə yanaşmalı və onlarla həmkarlıq etməliyik.
O, Ərbəin günlərində zəvvarlara xidmətdə israfa yol verilməsindən də danışaraq bu işdən çəkinməyin vacibliyinə toxundu.
Ayətullah Məkarim Şirazi söhbəti zamanı Ərbəin yürüşündə ehtimal olunan xoşagəlməz hal və sui-istifadələrə tədbirli olmağın lüzumuna da diqqət çəkdi: Bu günlərdə xüsusi və şəxsi qruplaşmalara rəvac verilməsinin qarşısı alınmalıdır, bir çoxları bu hadisədə şeytanlıq edərək şəxsi məsələlər üzərinə gedirlər, bununla da zərbə vururlar, səy göstərib onların qarşısını almaq lazımdır.
Ayətullah Məkarim Şirazi sonda Ərbəin ziyarətində iştirak edən çoxlu sayda daxili və xarici mediya nümayəndələrinə, jurnalistlərinə ümidvarlığını dilə gətirərək, Ərbəin mesajını aləmə çatdırmaqda müvəffəq olmalarını arzuladı.
Yayım tarixi: 09.10.2018
