1) Hədislərin birində İmam Sadiq (ə) buyurur ki, hər kim şaban ayının axırıncı üç gününü oruc tutsa və orucunu mübarək ramazan ayına birləşdirsə, Mütəal Allah ona ardıcıl iki ayın orucunun savabını yazar.(1)
Mərhum Seyid İbn Tavus “İqbal” kitabında qeyd edir ki, bu minacatı Əmirəl-möminin Əli (ə) və övladları – min-min salam olsun onlara – şaban ayında oxuyarmışlar.
Buradan belə başa düşülür ki, bu minacat böyük əhəmiyyətə malik olduğundan bütün Məsumlar (ə) onu oxuyublar. Bu minacatın mənası da onun böyük əhəmiyyətinə şahidlik edir. Belə ki, İslam irfanı yüksək səviyyədə bu minacatda öz əksini tapmışdır. Əgər insan onun ali məzmununu qəlbində yaşada bilsə, Allaha tərəf seyri-süluk məqamlarını qət etmiş olar. Allahdan istəyirik ki, bizim hamımızı bu minacatın əhlindən qərar versin.
1- Oruc tutmaq: bu ayda müstəhəb oruc tutmaq təkid olunub. Həzrət Rəsulallah (s) bu ayı oruc tutar və orucunu ramazan ayının orucuna birləşdirərdi.(1) Şaban ayında oruc tutmağın savabı barədə saysız hədislər buyurulub ki, biz burada onların bir neçəsini qeyd edirik:
Şaban ayının təqvimi:
3 şaban: İmam Hüseynin (ə) səadətli doğum günüdür. Şeyx Tusi “Misbahul-mutəhəccid”də qeyd edir ki, İmam Həsən Əskərinin (ə) buyurduğu hədisə istinadən, İmam Hüseynin (ə) mübarək doğum günü şaban ayının 3-ü cümə axşamı gününə (pəncşənbə günü) təsadüf etmişdir (hicri-qəməri 3-cü il).(1)4 şaban: Bir rəvayətə görə Həzrət Əbəlfəzl Abbasın (ə) səadətli doğum günüdür (hicri-qəməri 26-cı il).(2)5 şaban: Bir rəvayətə görə İmam Zeynul-Abidin Əli ibn Hüseynin (ə) səadətli mövlud günüdür (hicri-qəməri 38-ci il).(3)15 şaban: Bəşəriyyətin xilaskarı İmam Zamanın (ə.f) səadətli mövlud günüdür. O həzrət hicri-qəməri 255-ci ildə Samirra şəhərində dünyaya gəlmişdir.(4)
Şaban ayının fəziləti:
Şaban ayının fəziləti barədə bunu qeyd etmək yetər ki, bu ay “Peyğəmbər ayı” adlanmışdır. Üstəlik, Seyyiduş-şuhəda İmam Hüseynin (ə) və bəşəriyyətin xilaskarı İmam Zamanın (ə.f) mübarək mövludları bu aya təsadüf etdiyindən bu aya xüsusi şərafət bəxş etmişdir.
Həzrət Rəsulallah (s) şaban ayının hilalını gördükdə göstəriş verərdi ki, bir carçı Mədinənin bütün küçələrində belə car çəksin: “Ey camaat, bu ay mənim ayımdır. Allah rəhmət etsin o kəsə ki, mənim ayım üçün mənə kömək edir, yəni oruc tutur.”(5)
Mərhum Muhəddis Qummi İmam Həsən Əskərinin (ə) təfsirindən şaban ayının birinci gününün fəziləti barədə bir hədisi qeyd etmişdir. Əslində, bu fəzilət bütün şaban ayına aiddir. Ali məzmuna malik bu hədis geniş olduğu üçün Muhəddis Qummi onu xülasələşdirib yazmış, biz də kitabın həcminə riayət etmək üçün onu bir daha xülasələşdirib qeyd edirik:
Əmirəl-möminin Əli (ə) şaban ayının birinci günü məsciddə əyləşib qəzavü-qədər barədə əsassız sözlər danışıb ucadan mübahisə edən bir dəstəni müşahidə edir və onlara buyurur: “Bu söhbətlərdən əl çəkin! Bu gün şaban ayının birinci günüdür. Bu ay ona görə “şaban” adlanıb ki, xeyir işlərin şöbə və şaxələrinin mərkəzidir: namaz, oruc, zəkat, əmr bil-məruf və nəhy ənil-munkər, ata-anaya və qonşulara yaxşılıq, ehtiyaclılara ehsan, küsülüləri barışdırmaq və bu kimi başqa xeyir işlər.”
Sonra İmam Əli (ə) Həzrət Rəsulallahın (s) bir hədisini bəyan etdi.
Bu hədisin xülasəsi belədir:Həzrət Rəsulallah (s) buyurmuşdur: “Şaban ayının birinci günü olduqda Allah əmr edir ki, cənnətin qapıları açılsın. “Tuba”(6) ağacına əmr edər ki, öz şaxələrini dünya camaatına yaxınlaşdırsın və Allah tərəfindən olan bir carçı car çəkər ki, Tuba ağacının şaxələri sizin əlinizin altındadır. Onlardan tutun ki, sizi Cənnətə tərəf aparar. Zəqqum ağacının şaxələrindən uzaq durun və onlardan tutmayın ki, sizi Cəhənnəmə tərəf sürükləyər.”
Həzrət Rəsulallah (s) daha sonra buyurdu: “Məni peyğəmbərliyə seçən Allaha and olsun ki, hər kim bu gün xeyir işlərdən birini yerinə yetirsə, Tuba ağacının bir şaxəsindən tutmuşdur və bu şaxə onu Cənnətə tərəf aparar. Hər kim bu gün şər işlərdən birini yerinə yetirsə, Zəqqum ağacının bir şaxəsindən tutmuşdur və bu şaxə onu Cəhənnəmə tərəf sürüklüyər.”
Sonra o Həzrət (s) Tuba ağacının şaxələrindən tutmağın bir neçə nümunəsini sadalayaraq buyurdu: “Hər kim bu gün (vacib namazlardan əlavə) müstəhəb namaz qılsa, yaxud oruc tutsa, yaxud ər ilə arvadın, valideyn ilə övladın, qohumların və qonşuların arasını düzəldib barışdırsa, Tuba ağacının şaxələrinin birindən tutmuşdur.
Həmçinin, əgər bir kəs camaata olan borcunu ödəsə, bir yetimi himayəsinə götürsə, dayaz düşüncəli bir şəxsin camaatın abır və heysiyyətinə xələl gətirməsinin qarşısını alsa, Quran oxusa, Allahın nemətlərinə şükür etsə, bir xəstəyə baş çəksə, ata-anaya yaxşılıq etsə, bir möminin dəfnində iştirak etsə, ümumiyyətlə, hər hansı bir xeyir iş görsə, Tuba ağacının şaxələrinin birindən tutmuşdur.”
Daha sonra Həzrət Rəsulallah (s) buyurdu: “And olsun məni peyğəmbərliyə seçən kəsə ki, hər kəs bu ay şər və günah qapılarından birinə tərəf getsə, Zəqqum ağacının şaxələrinin birindən tutmuşdur: hər kim vacib namaza qarşı səhlənkarlıq etsə, öz çətinliyini açıqlayıb kömək istəyən ehtiyaclı şəxsə imkanı ola-ola kömək göstərməsə və ona əl tutmasa, ər ilə arvadın, valideyn ilə övladın, qohumların və qonşuların arasını vurub onların arasında ixtilaf yaratsa, camaata olan borcunu inkar etsə, yetimlərin qayğısını çəkməkdən boyun qaçırsa, fəsad məclislərinin xanəndələrinin yanına getsə, öz zülmlərini və günahlarını dilə gətirib onlarla fəxr etsə, xəstə qonşusuna baş çəkməsə, ata və anasını özündən narazı salsa... Bütün bunların hamısı Zəqqum ağacının şaxələrindən tutmaqdır.”(6)Bu hədis xoşbəxtlik və bədbəxtlik yollarını bir mənəvi misal şəklində bəyan edir.
Şaban ayının əməlləri:
Şaban ayının əməlləri də iki qisimdir: 1- Şaban ayının müştərək əməlləri; 2- Şaban ayının gecə və gündüzlərinə məxsus əməllər.
Siz əzizlər yaxşı bilirsiniz ki, bugünkü dünya ciddi böhranlarla qarşı-qarşıyadır, hansı ki, daha öncə İslam ümmətinin başına belə bir şey gəlməmişdir, hərçənd – Həmd olsun Allaha – bu böyük fitnənin bir qismini adlaya bilmişik. Bura kimi gəlməyimizi qəhrəman, fədakar mücahidlərin müqavimətinə, dönməzliyinə, xüsusilə onlarla yanaşı addımlayan din alimlərinə borcluyuq.
Şübhəsiz, əxlaqi bəhslər elə insan dünyaya gəldiyi gündən başlamışdır. Allah-taala həzrət Adəmi yaradıb cənnətdə yerləşdirdiyi zaman əxlaqi məsələləri əmr və qadağaları ilə birlikdə ona öyrətdi.
Bilirik ki, ramazan ayı gah qışa, gah yaza, gah yaya, gah da payıza təsadüf edir. Demək, qəməri ayı dəqiq deyil və dəqiq tarixi göstərmir. Eyni zamanda, bayram günləri və matəm mərasimlərində də bu məsələ ortaya çıxır. Gah payıza, gah yaya, gah da digər fəsillərə təsadüf edir.
Bir qrup hərbiçinin və içərilərində azyaşlı uşaq da olmaqla, sıravi vətəndaşların şəhadətinə və xəsarət almasına səbəb olan bu terror aktını kəskin pisləyirik. Ümidvarıq aidiyyatı qurumlar tezliklə terrorist qruplaşmasının layiqli cəzalarını verəcək və birdəfəlik kökünü kəsəcək.
Ayətullah Məkarim Şirazinin rəsmi ofisinin informasiya bloqu keçən il olduğu kimi Qanköçürmə Mərkəzinin əməkdaşlığı ilə Hüseyn (ə) əzadarlarını gözəl adətlərdən biri sayılan “qanvermə aksiyası”na cəlb etmək məqsədilə “Fədakarlıq davam edir...” adlı fəaliyyətə yenidən təşkilatçılıq edir.
Ayətullah Məkarim Şirazinin görüşündə İmam Hüseyn (ə) əzadarlığının təhlili İslam ümmətinin agahlığına, oyanışına səbəb olan, eyni zamanda da zülmə qarşı çıxan əzadarlıq prinsipi, əslində insani səciyyələri inkişaf etdirən bir məktəbdir. Bu əsasla qeyd etməliyik ki, Aşura bir hadisə yox, əksinə tarixi bir cərəyan idi.
Vilayət məsələsi digər məsələlərdən daha önəmlidir, çünki İmamın (ə) ifadəsi ilə desək, vilayət İslamın digər həlledici faktorlarının icrasına zamindir.
Qurbanlığın böyük nişanələrindən biri budur ki, illər keçdikcə daha da genişlənir və hər il o böyük qurbanlığı yad etmək üçün 1.000.000 qurban kəsir və xatirəsini yaşadırlar.
Ayətullah Məkarim Şirazinin ofisi tərəfindən risalənin bu ilki çapında yeni dəyişikliklər aparılmışdır. Biz dəyişmiş məsələləri həm Fars həm də Azərbaycan dilində Həzrət Ayətullah əl-uzma Məkarim Şirazinin müqəllidlərinin diqqətinə çatdırırıq. Qeyd edək ki, saytımızdakı risalədə də eyni hökmlər artıq dəyişmişdir.
Ərəfə duasını bütün varlığımızla, qəlbi aramlıqla və mənasını dərk edərək oxumalı, onun zəngin məzmunu haqqında düşünməli və bu gündən bəhrələnməliyik.
